

D3354

སློབ་དཔོན་དགེ་འདུན་སྦྱིན་གྱི་སྲས་ཀྱིས་མཛད་པ་རྫོགས་སོ། །པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་དགེ་སློང་བ་རིས་བསྒྱུར་ཅིང་ཞུས་པའོ།།[་]@##། །རྒྱ་གར་སྐད་དུ། པྲཛྙཱ་པཱ་ར་མི་ཏཱ་སཱ་དྷ་ནཾ། བོད་སྐད་དུ། ཤེས་རབ་ཀྱི་ཕ་རོལ་ཏུ་ཕྱིན་ མའི་སྒྲུབ་ཐབས།ཤེས་རབ་ཀྱི་ཕ་རོལ་ཏུ་ཕྱིན་མ་ལ་ཕྱག་འཚལ་ལོ། །ཡིད་མཐུན་གནས་ནི་ཁ་ཅིག་ཏུ། །བདེ་བའི་གདན་ལ་འདུག་ནས་སུ། །རྣལ་འབྱོར་བྱམས་དང་སྙིང་རྗེར་ལྡན། །སྔགས་འདི་ལན་གསུམ་བརྗོད་པར་བྱ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོུ྅ཧཾ། ཞེས་བྱས་བརྟན་ད ཨང་གཡོ་བའི་དངོས།།བདག་ཉིད་ལུས་དང་ཐམས་ཅད་དུ། །སེམས་ཀྱིས་སྟོང་ཉིད་བསྒོམ་པར་བྱ། །རྨི་ལམ་རྨི་ལམ་མཚུངས་པ་རུ། །པཾ་ཡིག་ལས་ནི་ཡོངས་རྫོགས་པའི། །པདྨ་ཟླ་བའི་གདན་གནས་པ། །སེར་པོ་དྷཱིཿནི་དགོད་བྱས་ཏེ། །དེ་ཡི་བདག་ཉིད་བཅོམ་ལྡན་མ། །ཕྱག་གཉིས་ ཤེས་རབ་ཕ་རོལ་ཕྱིན།།སྣ་ཚོགས་གོས་འཆང་སྣ་ཚོགས་བརྒྱན། །ཆོས་འཆད་ཕྱག་རྒྱ་མཉམ་ལྡན་ཕྱག་།སྒེག་པ་གཅིག་པུ་ཉམས་ལྡན་ཞིང་། །རྡོ་རྗེ་སྐྱིལ་ཀྲུང་ཡང་དག་གནས། །པོ་ཏིས་མཚན་པའི་པད་སྡོང་ནི། །གཡོན་གྱི་ལོགས་སུ་བསྣམས་པའོ། །སྤྱི་བོ་མགྲིན་པ་སྙིང་ གནས་པའི།།ཟླ་བ་ལ་གནས་དེ་ཉིད་གསུམ། །ོཾ་ཨཱཿཧཱུཾ། ཨཾ་ཨཿངག་གི་དབུས་སུ་ནི། །ཟླ་བ་དྷཱིཿནི་འོད་ཟེར་སེར། །དེ་ནས་གཟུགས་སེར་རྣམ་པར་བསྒོམ། །ཀུན་རྫོབ་ཀྱི་ནི་རྣལ་འབྱོར་གྱིས། །ཤེས་རབ་མཆོད་པ་བསྒོམ་པར་བྱ། །དོན་དམ་པར་ནི་རྟོགས་པའི་གཟུགས། །ཤེས་ རབ་བདག་ཉིད་ཆེ་བརྗོད་བྱ།།གང་གིས་བྱང་ཆུབ་ངེས་ཐོབ་པའི། །རིམ་པས་སྦྱོར་བས་འགྲོ་བར་འགྱུར། །སྟོན་ཀའི་ཟླ་བ་ལྟ་བུའི་འོད། །དཀར་པོའི་སེམས་ནི་རྣམ་པར་བསྒོམ། །སྣ་ཚོགས་གཡོ་དང་མི་གཡོ་བ། །དེ་བཞིན་ཕྱིས་ནི་ནམ་མཁའ་མཉམ། །མ་ལུས་རྟོགས་པས་ སྟོང་པ་ཡི།།རང་ཉིད་གཟུགས་མེད་སྟོང་པར་ཡང་། །གཟུགས་སྒྲ་དྲི་དང་རོ་དང་ནི། །རེག་བྱ་ལ་སོགས་གཟུང་དང་འཛིན། །རྟོག་པས་ཡོངས་སུ་མ་གོས་པ། །བསམ་མི་ཁྱབ་པའི་རྐྱེན་བསྐྱེད་པ། །ཡང་དག་རྫོགས་པའི་བྱང་ཆུབ་དོན། །ཀུན་མཁྱེན་སེམས་ཀྱི་གོ་འཕང་ངོ་། །དེ་ལ་འདི་ བཟླས་པའི་སྔགས་ཏེ།ོཾ་པྲཛྙཱ་མ་ཧཱ་པྲཛྙཱ་ཤྲུ་ཏི་སྨྲྀ་ཏི་བི་ཛ་ཡེ་དྷཱིཿསྭཱཧཱ། ཤེས་རབ་ཕ་རོལ་ཕྱིན་བསྒོམས་པའི། །བདག་གི་བསོད་ནམས་གང་ཐོབ་དེས། །དེ་ཡིས་འཇིག་རྟེན་མ་ལུས་ཀུན། །ཤེས་རབ་ཕ་རོལ་ཕྱིན་གཞོལ་ཤོག་།ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་པའི་ཐབས་རྫོགས་ ་སོ།